കൊച്ചി: ഇന്ത്യന്‍ കമ്പനികളുടെ ഉടമസ്ഥതയിലുള്ള ആഴക്കടല്‍ മത്സ്യ ബന്ധന യാനങ്ങള്‍ക്കായി പ്രത്യേക മാര്‍ഗനിര്‍ദേശങ്ങള്‍ നല്‍കിയിട്ടുണ്ടെന്ന് റിസര്‍വ് ബാങ്ക് അധികൃതര്‍ ഹൈക്കോടതിയില്‍ ബോധിപ്പിച്ചു.
ഇന്ത്യന്‍ കമ്പനികളുടെ പേരില്‍ വിദേശ ട്രോളറുകള്‍ നിയമ വിരുദ്ധമായി ആഴക്കടല്‍ മത്സ്യബന്ധനം നടത്തുന്നത് തടയണമെന്നാവശ്യപ്പെട്ട് കൊല്ലം സ്വദേശി എം.കെ സലിം നല്‍കിയ ഹരജിയിലാണ് റിസര്‍വ് ബാങ്ക് ഇക്കാര്യം ബോധിപ്പിച്ചത്. കേന്ദ്ര സര്‍ക്കാരിന്റെ അനുമതി പത്രത്തിന്റെ മറവില്‍ വിദേശ ട്രോളറുകള്‍ മത്സ്യസമ്പത്ത് കൊള്ളയടിക്കുന്നെന്നും പ്രതിവര്‍ഷം 50 ലക്ഷം ഡോളറാണ് ഈയിനത്തില്‍ ഖജനാവിന് നഷ്ടമെന്നും ഹരജിയില്‍ പറയുന്നുണ്ട്. ഈ ആരോപണം ശരിയല്ലെന്ന് റിസര്‍വ് ബാങ്ക് അസി. ജനറല്‍ മാനേജര്‍ ശാലിനി പ്രദീപ് നല്‍കിയ മറുപടി സത്യവാങ്മൂലത്തില്‍ പറയുന്നു.