മുംബൈ: ഹിന്ദു ഇതിഹാസ കൃതിയായ രാമായണം രചിച്ച വാല്‍മീകി മഹര്‍ഷിയെ കുറിച്ച് മോശം പരാമര്‍ശം നടത്തിയ കേസില്‍ ബോളിവുഡ് നടി രാഖി സാവന്തിനെതിരേ ലുധിയാന കോടതിയുടെ അറസ്റ്റ് വാറന്‍ഡ്.
സ്വകാര്യ ചാനലിനു നല്‍കിയ അഭിമുഖത്തില്‍ വാല്‍മീകിയെയും വാല്‍മീകി വിഭാഗത്തില്‍പ്പെട്ടവരുടെ മതവികാരത്തെയും വ്രണപ്പെടുത്തുന്ന വിധം പരാമര്‍ശം നടത്തിയെന്ന പരാതിയെ തുടര്‍ന്നാണ് നടപടി. മാര്‍ച്ച് ഒന്‍പതിന് രാഖിയോട് കോടതിയില്‍ ഹാജരാകാന്‍ ആവശ്യെപ്പട്ടിരുന്നുവെങ്കിലും വീഴ്ച വരുത്തിയതിനെ തുടര്‍ന്നാണ് വാറന്‍ഡ്. കേസ് ഈ മാസം 10 ന് വീണ്ടും പരിഗണിക്കും.