വാടാനപ്പള്ളി : ആര്‍.എസ്.എസ് നേതാവ് ഗോള്‍വാള്‍ക്കര്‍ ഭാരതത്തിന്റെ മഹാനായ പുത്രനാണെന്ന മുന്‍ രാഷ്ട്രപതി പ്രണബ്കുമാര്‍ മുഖര്‍ജിയുടെ പ്രസ്താവന നിന്ദ്യവും അപലപനീയവുമാണെന്നു കെ. മുരളീധരന്‍ എം.എല്‍.എ പറഞ്ഞു.
തളിക്കുളം ശിഹാബ് തങ്ങള്‍ റിലീഫ് സെല്ലിന്റെ നേതൃത്വത്തില്‍ ശിഹാബ് തങ്ങള്‍ അനുസ്മരണവും റിലീഫ് വിതരണവും ഉദ്ഘാടനം ചെയ്യുകയായിരുന്നു മുരളീധരന്‍. കെ.എ ഹാറൂണ്‍ റഷീദ് അധ്യക്ഷനായി.
കൊടുങ്ങല്ലൂര്‍ ശൈഖ് സാഹിബ് മസ്ജിദ് ചീഫ് ഇമാം ഇ.എ.എം സഹല്‍ ഫൈസി റംസാന്‍ സന്ദേശ പ്രഭാഷണം നടത്തി. എം.കെ മുഹമ്മദ് ഹുസൈന്‍ കിറ്റുകളുടെ വിതരണം നിര്‍വഹിച്ചു.