ന്യൂഡല്‍ഹി:  ഫാഷിസ്റ്റു ശക്തികളായ ബി.ജെ.പിയെ തകര്‍ക്കാന്‍ 2019 ലോക്‌സഭാ തെരഞ്ഞെടുപ്പില്‍ എല്ലാ പാര്‍ട്ടികളും ഒന്നിച്ചു നില്‍ക്കണമെന്ന് ബിഹാര്‍ മുഖ്യമന്ത്രി നിധീഷ് കുമാര്‍. അത് കാലഘട്ടത്തിന്റെ ആവശ്യമാണെന്നും അദ്ദേഹം കൂട്ടിച്ചേര്‍ത്തു.

ദേശീയ തലത്തില്‍ ഇത്തരത്തിലൊരു ബന്ധം വന്നാല്‍ അത് വന്‍ വിജയമായിരിക്കുമെന്നും അദ്ദേഹം ചൂണ്ടിക്കാട്ടി.

നിധീഷ് കുമാറിന്റെ വാക്കുകളെ ശരിവെച്ച് ശരത് യാദവും(ജെ.ഡി.യു) മുന്നോട്ടു വന്നു. ദേശീയ തലത്തിലുള്ള ഐക്യം ബി.ജെ.പിക്കു കനത്ത വെല്ലുവിളിയാവുമെന്നും അദ്ദേഹം കൂട്ടിച്ചേര്‍ത്തു.

2017 യു,പി തെരഞ്ഞെടുപ്പിനു മുമ്പു നിധീഷ് കുമാര്‍ ഇക്കാര്യം പറഞ്ഞിരുന്നതായി ജെഡിയു രാജ്യസഭാംഗം പവന്‍ വര്‍മ പറഞ്ഞു. പ്രതിപക്ഷ പാര്‍ട്ടികള്‍ ചിന്നിച്ചിതറിയതാണ് ബി.ജെ.പിക്ക് ഗുണകരമായതെന്നും അദ്ദേഹം കൂട്ടിച്ചേര്‍ത്തു.