കണ്ണൂര്‍: കെ.വി.കുഞ്ഞിരാമന്‍ മാസ്റ്റര്‍ സ്മാരകട്രസ്റ്റിന്റെ സാഹിത്യപ്രതിഭാ പുരസ്‌കാരത്തിന് ഡോ. എന്‍.വി.പി ഉണിത്തിരി അര്‍ഹനായി.
5001 രൂപയും പ്രശസ്തിപത്രവുമടങ്ങുന്നതാണു പുരസ്‌കാരം. പ്രഭാവര്‍മ്മയുടെ ശ്യാമമാധവം ഒരു പഠനമെന്ന കൃതിയാണ് അവാര്‍ഡിനര്‍ഹമായത്. ഒന്‍പതിന് രാവിലെ 10 മണിക്ക് മയ്യില്‍ ചെക്യാട്ട് കാവിലുള്ള കുഞ്ഞിരാമന്‍ മാസ്റ്റര്‍ സ്മാരകമന്ദിരത്തില്‍ നടക്കുന്ന ചടങ്ങില്‍ മന്ത്രി രാമചന്ദ്രന്‍ കടന്നപ്പള്ളി പുരസ്‌കാരം നല്‍കും.
വാര്‍ത്താസമ്മേളനത്തില്‍ ഭാരവാഹികളായ ഡോ. സി.ശശിധരന്‍, ഡോ. കെ.രാജഗോപാലന്‍, മലപ്പട്ടം ഗംഗാധരന്‍, ഒ.എം മധുസൂദനന്‍, ഡോ. സി.കെ മോഹനന്‍, പി.സി രാധാകൃഷ്ണന്‍ പങ്കെടുത്തു