കോഴിക്കോട്: കോഴിക്കോട്, മലപ്പുറം ജില്ലകളിലെയും തലശേരി വിദ്യാഭ്യാസ ജില്ലയിലെയും പ്രൊഫഷണല്‍ കോളജുകള്‍ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ മധ്യവേനല്‍ അവധിക്കുശേഷം ചൊവ്വാഴ്ച തുറക്കും. ജൂണ്‍ ഒന്നിന് തുറക്കാനിരുന്ന സ്‌കൂളുകള്‍ നിപാ വൈറസ് ബാധയെ തുടര്‍ന്നാണ് നീട്ടിവച്ചത്. കഴിഞ്ഞ ഒന്നര ആഴ്ചയായി പുതിയ നിപാ കേസുകള്‍ റിപ്പോര്‍ട്ട് ചെയ്യാത്ത സാഹചര്യത്തിലാണ് സ്‌കൂള്‍ തുറക്കാന്‍ അധികൃതര്‍ അനുമതി നല്‍കിയത്.