കൊടുവള്ളി: കൂട്ടുകാര്‍ക്കൊപ്പം കുളിക്കാനിറങ്ങിയ വിദ്യാര്‍ഥി പുഴയില്‍ മുങ്ങിമരിച്ചു. അഡ്വ. പി.ടി.എ റഹിം എം.എല്‍.എയുടെ പി.എ കളരാന്തിരി പട്ടിണിക്കര ചന്ദനപ്പുറത്ത് യു.പി.അബ്ദുല്‍മജീദിന്റെ മകന്‍ അഹമ്മദ് തസ്‌ലീന്‍(20) ആണ് ചെറുപുഴ കുറുങ്ങാട്ട് കടവില്‍ മുങ്ങിമരിച്ചത്. കൊടുവള്ളി കെ.എം.ഒ ആര്‍ട്‌സ് ആന്റ് സയന്‍സ് കോളജ് അവസാനവര്‍ഷ ബിരുദ വിദ്യാര്‍ഥിയാണ്.

ചൊവ്വാഴ്ച ഉച്ചയ്ക്കു രണ്ടു മണിയോടെയാണു സംഭവം. രാവിലെ കോളജിലേക്കു പുറപ്പെട്ട അഹമ്മദ് തസ്‌ലീന്‍ ഉച്ചയോടെ കൂട്ടുകാര്‍ക്കൊപ്പം ചെറുപുഴയില്‍ കുളിക്കാനിറങ്ങുകയായിരുന്നു. നീന്തുന്നതിനിടെ ആഴമുള്ള കയത്തില്‍ മുങ്ങിത്താഴുകയായിരുന്നു. കൂടെയുള്ളവര്‍ ബഹളം വച്ച് പരിസരവാസികളെ അറിയിച്ചതിനെ തുടര്‍ന്നു മുക്കത്ത് നിന്ന് ഫയര്‍ഫോഴ്‌സ് എത്തിയാണ് തസ്‌ലീനെ പുറത്തെടുത്തത്. മതാവ്: ജമില. സഹോദരങ്ങള്‍: അര്‍ഷല്‍, കാജല്‍(ഇരുവരും വിദ്യാര്‍ഥികള്‍).