ആനക്കര: ഏറ്റവും മികച്ച കുറ്റാന്വേഷണ ഓഫീസര്‍ക്കുളള 'ബാഡ്ജ് ഓഫ് ഹോണര്‍ തൃത്താല സബ് ഇന്‍സ്‌പെക്ടര്‍ ടി.എസ്. ബിനു സംസ്ഥാന പോലീസ് മേധാവി ലോക്‌നാഥ് ബെഹ്‌റയില്‍ നിന്നും ഏറ്റു വാങ്ങി.മലപ്പുറം ജില്ലയിലെ നിലമ്പൂര്‍ സ്വദേശിയായ ഇദ്ദേഹം 2007 ലാണ് പട്ടാമ്പി പ്രബ്രേഷണല്‍ എസ്.ഐയായിട്ടാണ് സര്‍വ്വീസില്‍ കയറുന്നത്.
ആട് ആന്റണിയെ പിടികൂടുന്നതിനുളള ടീമില്‍ എസ്.ഐയായി പ്രവര്‍ത്തിച്ചതിനാണ് ബഹുമതി. പട്ടാമ്പിക്ക് പുറമെ കൊഴിഞ്ഞമ്പാറ,ചിറ്റൂര്‍,കോഴിക്കോട് നല്ലളം എന്നീ സ്‌റ്റേഷനുകളില്‍ എസ്.ഐയായി പ്രവര്‍ത്തിച്ചു.