പാരിസ്: ഫ്രഞ്ച് ഇതിഹാസം പാട്രിക്ക് വിയേര ലീഗ് വണ്‍ ടീം നീസിന്റെ പരിശീലകനാകും. ന്യൂയോര്‍ക്ക് സിറ്റി എഫ്.സിയുടെ പരിശീലക സ്ഥാനത്ത് നിന്നാണ് വിയേരയുടെ വരവ്. 41 കാരനായ മുന്‍ ആഴ്‌സണല്‍ ക്യാപ്റ്റന്‍ 2016 മുതലാണ് അമേരിക്കന്‍ മേജര്‍ ലീഗ് സോക്കര്‍ ടീമിന്റെ കോച്ചായി സ്ഥാനമേറ്റത്. നിലവില്‍ നീസിനെ പരിശീലിപ്പിച്ച ലുസിയല്‍ ഫവ്‌രെ ജര്‍മന്‍ ബുണ്ടസ് ലീഗ ടീം ബൊറൂസിയ ഡോര്‍ട്മുണ്ടിന്റെ പരിശീലകനായി പോയതോടെയാണ് മുന്‍ ഫ്രഞ്ച് ഇതിഹാസ താരത്തെ നീസ് സ്വന്തം പാളയത്തിലെത്തിച്ചത്.