മണ്ണഞ്ചേരി: സമസ്ത ജില്ലാതല ഇസ്‌ലാമിക കലാമേള മണ്ണഞ്ചേരിയില്‍ തുടങ്ങി.മദ്‌റസാ വിദ്യാര്‍ത്ഥികളുടെ വിളംബരജാഥ സംഘടിപ്പിച്ചു. മണ്ണഞ്ചേരി വള്ളക്കടവില്‍ നിന്നും ആരംഭിച്ച ജാഥ കലാമേള വേദിയായ ചിയാംവെളി ഇര്‍ഷാദുല്‍ ഇസ്‌ലാം മദ്‌റസാ കാമ്പസില്‍ സമാപിച്ചു.
തുടര്‍ന്ന് നടന്ന ഉദ്ഘാടന സമ്മേളനത്തില്‍ വര്‍ക്കിംഗ് ചെയര്‍മാന്‍ യു.മുഹമ്മദ് ഹനീഫ ബാഖവി അദ്ധ്യക്ഷത വഹിച്ചു. ഐ.ബി ഉസ്മാന്‍ ഫൈസി ഉദ്ഘാടനം ചെയ്തു.
മദ്‌റസാ മാനേജ്‌മെന്റ് അസോസിയേഷന്‍ ജില്ലാ ജനറല്‍ സെക്രട്ടറി എം. മുജീബ് റഹ്മാന്‍ സ്വാഗതം പറഞ്ഞു. പൊന്നാട് മഹല്‍ പ്രസിഡന്റ് സി.സി.നിസാര്‍, മാനേജ്‌മെന്റ് അസോസിയേഷന്‍ വിവിധ റെയ്ഞ്ച് ഭാരവാഹികളായ റ്റി. എ. അലികുഞ്ഞാശാന്‍, പി.എ.സെലിം, എസ്.വൈ. എസ്. മേഖലാ പ്രസിഡന്റ് എസ്. മുഹമ്മദ് സ്വാലിഹ്, എസ്. എം. എഫ്. മേഖലാ ജനറല്‍ സെക്രട്ടറി പി. എച്ച്. ബഷീര്‍ അഹമ്മദ്,എസ്. വൈ.എസ്. ജില്ലാ ജനറല്‍ സെക്രട്ടറി നിസാര്‍ പറമ്പന്‍, എസ്. കെ.എസ്.എസ്. എഫ്. മേഖലാ പ്രസിഡന്റ് എ. ഹസീബ് മുസ്‌ലിയാര്‍, ഇ.എ. യൂസഫ്, അമീര്‍ ആഷിഖ് തുടങ്ങിയവര്‍ സംസാരിച്ചു. തുടര്‍ന്ന് റെയ്ഞ്ച് പ്രതിഭകളുടെ കലാനിശ നടന്നു.
ബുധനാഴ്ച രാവിലെ എട്ടിന് എസ്.കെ. ജെ. എം. ജില്ലാ പ്രസിഡന്റ് പി. എ. ശിഹാബുദ്ദീന്‍ മുസ്‌ലിയാര്‍ പതാക ഉയര്‍ത്തുന്നതോടെ കലാമത്സരങ്ങള്‍ക്ക് തുടക്കം കുറിക്കും.വൈകുന്നേരംനടക്കുന്ന മെറിറ്റ് ഈവനിംഗ് സമസ്ത ജില്ലാ പ്രസിഡന്റ് സി. മുഹമ്മദ് അല്‍ഖാസിമി ഉദ്ഘാടനം ചെയ്യും.ആലപ്പുഴ ഡി. വൈ. എസ്.പി എം. ഇ.ഷാജഹാന്‍ സമ്മാനദാനവും നടത്തും.