കോഴിക്കോട്: മഴയെ തുടര്‍ന്ന് അപകടാവസ്ഥയിലായിരുന്ന ഗുജറാത്തി സ്ട്രീറ്റ് മീത്തില്‍ പാണ്ടികശാല പറമ്പിലെ ഒഴിഞ്ഞ കെട്ടിടത്തിന്റെ ഒരു ഭാഗം ഇന്നലെ തകര്‍ന്നു. നാലു കുടുംബങ്ങളാണ് ഈ കെട്ടിടത്തോടു ചേര്‍ന്ന് താമസിക്കുന്നത്. നൂറുകണക്കിന് കുടുംബങ്ങള്‍ ഉപയോഗപ്പെടുത്തുന്ന റേഷന്‍ കടയും ഇവിടെയാണു പ്രവര്‍ത്തിക്കുന്നത് . അപകടഭീഷണി നേരിടുന്ന നാലു കുടുംബങ്ങളെയും മാറ്റിത്താമസിപ്പിക്കണമെന്ന് തെക്കേപ്പുറം ശബ്ദം ആവശ്യപ്പെട്ടു. സംഭവമറിഞ്ഞ് സ്ഥലത്തെത്തിയ സി.പി.ഐ (എം) സൗത്ത് ഏരിയ സെക്രട്ടറി സി.പി മുസാഫര്‍ അഹമ്മദ്, ടി.വി കുഞ്ഞായിന്‍ കോയ, നൗഷാദ്, സാലി, കെ.പി മമ്മദ് കോയ എന്നിവര്‍ കെട്ടിട ഉടമസ്ഥനുമായി ചര്‍ച്ച നടത്തി.