ആലുവ: സമസ്ത കേരള ജംഇയ്യത്തുല്‍ മുഅല്ലിമീന്‍ എറണാകുളം ജില്ല ഇസ്‌ലാമിക കലാമേളയ്ക്ക് കുഴിവേലിപ്പടി മുസ്‌ലിം ജമാഅത്ത് കണ്‍വന്‍ഷന്‍ സെന്‍ജറില്‍ തുടക്കമായി. അഞ്ച് വേദികളിലായി 15 റെയ്ഞ്ചുകളിലെ അറുന്നൂറ്റി അന്‍പതോളം കലാപ്രതിഭകളാണ് മാറ്റുരക്കുന്നത്.

കലാമേളക്ക് തുടക്കം കുറിച്ചു കൊണ്ടണ്ട് കുഴിവേലിപ്പടി മുസ്‌ലി ജമാഅത്ത് പ്രസിഡന്റ് കെ.എം അലിയാര്‍ ഹാജി പദാക ഉയര്‍ത്തി. തുടര്‍ന്നു നടന്ന ഉദ്ഘാടന സമ്മേളനത്തില്‍ ജംഇയ്യത്തുല്‍ മുഅല്ലിമീന്‍ ജില്ലാ ജന.സെക്രട്ടറി അബ്ദുസ്സമദ് ദാരിമി അധ്യക്ഷത വഹിച്ചു. കുഴിവേലിപ്പടി മുസ്‌ലിം ജമാഅത്ത് മുദരിസ് എ.പി അഹമ്മദ് നൂര്‍ മുസ്ലിയാര്‍ ഉദ്ഘാടനം നിര്‍വഹിച്ചു. മിശ്ക്കാത്തുല്‍ ഹുദാ മദ്‌റസ സദര്‍ മുഅല്ലിം അബ്ദുള്ള മുസ്‌ലിയാര്‍ ദുആയ്ക്ക് നേതൃത്വം നല്‍കി. എം.എം.എ ജില്ലാ ജന.സെക്രട്ടറി സിയാദ് ചെമ്പറക്കി സ്വാഗതം പറഞ്ഞു.
ജംഇയ്യത്തുല്‍ ഖുത്തുബാഅ ജില്ലാ ജന.സെക്രട്ടറി അനസ് ബാഖവി, എടത്തല റെയ്ഞ്ച് ട്രഷറര്‍ എം.എ കായിക്കുഞ്ഞ്, പി.കെ മുഹമ്മദ് മുസ്‌ലിയാര്‍, കെ.എം അബ്ദുറഹ്മാന്‍, അഷറഫ് ഹുദവി, സയ്യിദ് ഷറഫുദ്ദീന്‍ തങ്ങള്‍, സയ്യിദ് ഷഫീഖ് തങ്ങള്‍, അബ്ദുല്‍ ജബ്ബാര്‍ ബാഖവി, ടി.എ ബഷീര്‍, ഉസ്മാന്‍തോലക്കര, പി.കെ മൂസ, ഷാനവാസ് റഷാദി, അബ്ബാസ് ഫൈസി, ഷിഹാബുദ്ദീന്‍ ബാഖവി, സി.എം അബ്ദുല്‍ റഹിമാന്‍ കുട്ടി, കെ.എം യൂസഫ് മാസ്റ്റര്‍, എ.എസ്.കെ ബഷീര്‍,പി.എം ഫൈസല്‍, ടി.എം സിദ്ധീഖ്, എം.വി മുഹമ്മദ് ഹാജി, റിസാല്‍ദര്‍ അലി എന്നിവര്‍ സംസാരിച്ചു. പി.എസ് ഹസ്സയിനാര്‍ മൗലവി നന്ദി പറഞ്ഞു. സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സിലിന്റെ നേതൃത്വത്തില്‍ കാസര്‍കോട് നടക്കുന്ന 14മത് സംസ്ഥാന ഇസ്‌ലാമിക കലാമേളയുടെ ഭാഗമായാണ് ജില്ല ഫെസ്റ്റ് സംഘടിപ്പിച്ചിട്ടുള്ളത്.