തേഞ്ഞിപ്പലം: കോണ്‍ഗ്രസിന് മതേതരത്വം സംരക്ഷിക്കാനാവില്ലെന്നും മതേതരത്വം കാത്തുസൂക്ഷിക്കുന്നതിനുള്ള ശേഷിയും കരുത്തും ഇടതു പക്ഷത്തിനെയുള്ളൂവെന്നും അഡ്വ.എം മുകേഷ് എം.എല്‍.എ പറഞ്ഞു.
എല്‍.ഡി.എഫ് സ്ഥാനാര്‍ഥി അഡ്വ.എം.ബി ഫൈസലിന്റെ തെരെഞ്ഞെടുപ്പ് പ്രചാരണാര്‍ഥം വള്ളിക്കുന്ന് മണ്ഡലത്തിലെ വിവിധ കേന്ദ്രങ്ങളില്‍ സംസാരിക്കുകയായിരുന്നു അദ്ധേഹം.
മറ്റു സംസ്ഥാനങ്ങളിലെല്ലാം മതേതരത്വം ഭീഷണി നേരിടുമ്പോള്‍ കേരളത്തില്‍ സുരക്ഷിതമായിരിക്കുന്നത് ഇടതു പക്ഷത്തിന്റെ ശക്തമായ സാന്നിധ്യം കൊണ്ടാണെന്നും എം.എല്‍.എ പറഞ്ഞു. ആനയാറങ്ങാടി,തേഞ്ഞിപ്പലം ആലുങ്ങല്‍,ചേലേമ്പ്ര കണ്ടായിപ്പാടം എന്നിവിടങ്ങളില്‍ കുടുംബ സംഗമങ്ങളില്‍ എം.മുകേഷ് സംബന്ധിച്ചു. മന്ത്രി കെ.ടി ജലീല്‍, ടി.വി രാജേഷ് എം.എല്‍.എ, കെ.വി കുഞ്ഞിരാമന്‍, എ.പി അബ്ദുല്‍വഹാബ്, വേലായുധന്‍ വള്ളിക്കുന്ന്, എം.വിജയന്‍, വി.പി സദാനന്ദന്‍, കെ.പി രഘുനാഥ്, എം.ഗിരീഷ് സംസാരിച്ചു.