പൊന്നാനി: യുവാവ് മര്‍ദിച്ചതായി പരാതി. മര്‍ദനത്തില്‍ പരുക്കേറ്റവരെ പൊന്നാനി താലൂക്കാശുപത്രിയില്‍ പ്രവേശിപ്പിച്ചു. മദ്യലഹരിയിലാണ് യുവാവ് മര്‍ദിച്ചത്.
വണ്ടിപ്പെട്ടയില്‍ വെച്ചാണ് ആക്രമണമുണ്ടായത്. അങ്ങാടിയിലേക്ക് മുള വാങ്ങാന്‍ പോയ പൊന്നാനി സിയാറത്ത് പള്ളി സ്വദേശികളായ എടാത്തുവളപ്പില്‍ ബഷീര്‍ ,പയ്യോളി വീട്ടില്‍ ഫാറൂഖ് എന്നിവര്‍ക്കാണ് ആക്രമത്തില്‍ പരുക്കേറ്റത്. പരുക്കേറ്റവരെ പൊന്നാനി താലൂക്കാശുപത്രിയില്‍ പ്രവേശിപ്പിച്ചു .വണ്ടിപ്പേട്ടയിലുള്ള യുവാവ് മദ്യലഹരിയില്‍ ആക്രമിക്കുന്നത് സ്ഥിരം സ്വഭാവമാണെന്ന് നാട്ടുകാര്‍ പറയുന്നു. പൊന്നാനി പൊലിസ് കേസെടുത്ത് അന്വേഷണം ആരംഭിച്ചു.