പുക്കോട്ടുംപാടം: കുടിവെള്ളക്ഷാമം രൂക്ഷമായ അമരമ്പലം പഞ്ചായത്തിലെ തേള്‍പ്പാറ കൊമ്പന്‍ക്കല്ല് ഭാഗങ്ങളില്‍ ജനകീയ സമിതിയുടെ കുട്ടായ്മ്മയില്‍ കുടിവെള്ളമെത്തിച്ചു. കൊമ്പന്‍ക്കല്ല് പ്രദേശത്ത് മുപ്പതിലധികം കുടുബങ്ങള്‍ക്കാണ് കഴിഞ്ഞ ദിവസം കുടിവെള്ളമെത്തിച്ചത്. പൊട്ടിക്കല്ലിലെ അഫ്‌സല്‍ തന്റെ വാഹനവും ഹൈദ്രാലി, കാഞ്ഞിരംപാറ അബ്ദുല്‍അസിസ് എന്നിവര്‍ ഒരോ ജലസംഭരണിയും കുടിവെള്ളം കൊണ്ടുവരാന്‍ നല്‍കി.
പ്രദേശത്തെ ചേറേക്കുന്നന്‍ അലവിയുടെ കിണറില്‍ നിന്നാണ് കുടിവെള്ളമെത്തിക്കുന്നത്. ഇതോടെ കുടിവെള്ള ക്ഷാമം അനുഭവിക്കുന്നവരെ സഹായിക്കാന്‍ പലരും ഇപ്പോള്‍ രംഗത്തെത്തിയിട്ടുണ്ട്. കുടിവെള്ള വിതരണത്തിന് വരമ്പന്‍ കുഞ്ഞിപ്പ, പിലാക്കാടന്‍ മജീദ്, അഫ്‌സല്‍ എന്നിവരാണ് നേതൃത്വം നല്‍കുന്നത്.