ഹരിയാന: ഗോവധവും കാലിക്കടത്തും നിരോധിച്ച ഹരിയാനയില്‍ പശുക്കള്‍ക്കായി 24 മണിക്കൂര്‍ ഹെല്‍പ്‌ലൈന്‍ സൗകര്യവും ഏര്‍പ്പെടുത്തി.
പശുക്കളെ കടത്തുന്നതും കശാപ്പു ചെയ്യുന്നതും ശ്രദ്ധയില്‍പ്പെട്ടാല്‍ പൊതുജനങ്ങള്‍ക്ക് റിപ്പോര്‍ട്ട് ചെയ്യുന്നതിനായാണ് ഹെല്‍പ്‌ലൈന്‍ ഏര്‍പ്പെടുത്തിയിരിക്കുന്നത്.
ഹെല്‍പ്‌ലൈനില്‍ ലഭിക്കുന്ന വിവരങ്ങള്‍ പൊലിസിന് കൈമാറുമെന്നാണു വിവരം. കഴിഞ്ഞമാസം പശുക്കളെ കടത്തിയെന്നാരോപിച്ച് ഗോരക്ഷാദള്‍ എന്ന സ്വയംപ്രഖ്യാപിത സംഘം രണ്ടുപേരെ ചാണകം തീറ്റിച്ചിരുന്നു. ഈ സംഭവത്തിനു ശേഷമാണ് ഹെല്‍പ്‌ലൈന്‍ പ്രവര്‍ത്തനം ആരംഭിക്കാന്‍ സര്‍ക്കാര്‍ നീക്കം ആരംഭിച്ചത്. 10 വര്‍ഷം തടവും ഒരു ലക്ഷം രൂപ വരെ പിഴയും ലഭിക്കാവുന്ന കുറ്റമാണ് ഹരിയാനയില്‍ ഗോവധം. കഴിഞ്ഞ വര്‍ഷമാണ് ഈ നിയമം സംസ്ഥാനത്ത് നടപ്പിലാക്കിയത്.