കൊണ്ടോട്ടി: അരി നല്‍കാന്‍ കഴിയാത്ത സര്‍ക്കാര്‍ കള്ളുഷാപ്പുവഴി വിദേശ മദ്യം നല്‍കാനാണ് ശ്രമിക്കുന്നതെന്നു പ്രതിപക്ഷ നേതാവ് രമേശ് ചെന്നിത്തല. പി.കെ കുഞ്ഞാലിക്കുട്ടിയുടെ തെരഞ്ഞെടുപ്പ് പ്രചാരാണര്‍ഥം കൊണ്ടോട്ടി മണ്ഡലത്തിലെ ചീക്കോട് പഞ്ചായത്തില്‍ നടത്തിയ കുടുംബസംഗമങ്ങളില്‍ സംസാരിക്കുകയായിരുന്നു അദ്ദേഹം. ചെകുത്താനും കടലിനുമിടയിലെന്ന പോലെയാണ് മോദിക്കും പിണറായിക്കുമിടയില്‍പെട്ട ജനങ്ങളുടെ അവസ്ഥ. ഇരട്ടച്ചങ്കെന്നു പറയുന്ന പിണറായി വിജയന് ഓട്ടച്ചങ്കാണെന്നും അദ്ദേഹം പറഞ്ഞു.