ചെറുവത്തൂര്‍: ടൗണില്‍ പഴയ പഞ്ചായത്ത് ഓഫിസ് കെട്ടിടത്തോടനുബന്ധിച്ചു ജയില്‍ ഭക്ഷണം വിതരണം ചെയ്യുന്ന ടെന്റ് കത്തി നശിച്ചു. ഇന്നലെ പുലര്‍ച്ചെയാണു സംഭവം. തീപിടിത്തത്തില്‍ ടെന്റ് പൂര്‍ണമായും കത്തിനശിച്ചു.
ചീമേനി തുറന്ന ജയിലില്‍ നിന്നുണ്ടാക്കുന്ന ചപ്പാത്തി, ബിരിയാണി തുടങ്ങിയ ഭക്ഷണ സാധനങ്ങള്‍ ചെറുവത്തൂരിലെത്തിച്ചു വിതരണം ചെയ്യുന്ന ടെന്റാണു കത്തിനശിച്ചത്. തൊട്ടടുത്ത കെട്ടിടങ്ങളിലേക്കു തീ പടരാതിരുന്നതിനാല്‍ വന്‍ ദുരന്തം ഒഴിവായി.
സംഭവത്തില്‍ ചന്തേര പൊലിസ് കേസെടുത്ത് അന്വേഷണം ആരംഭിച്ചു.