നീലേശ്വരം: മത്തന്‍ വണ്ടിന്റെ ആക്രമണം മൂലം ബിരിക്കുളം വയലില്‍ പച്ചക്കറി കൃഷി നശിച്ചു. കടുത്ത വരള്‍ച്ചയോടൊപ്പം കീടത്തിന്റെ ആക്രമണം കൂടിയായപ്പോള്‍ കര്‍ഷകര്‍ പ്രതിസന്ധിയിലായി. വെള്ളരി, കക്കിരി, വഴുതന, മത്തന്‍ തുടങ്ങിയ പച്ചക്കറികള്‍ക്കാണു കൂടുതലും വണ്ടിന്റെ ആക്രമണം ഉണ്ടായത്. തണ്ടിലേക്കു പുഴു കയറി വള്ളികള്‍ ഉണങ്ങുകയാണ്. മുന്‍വര്‍ഷങ്ങളിലേതിനേക്കാള്‍ ഇത്തവണ വണ്ടിന്റെ ആക്രമണം കൂടുതലാണെന്നു കര്‍ഷകര്‍ പറയുന്നു.
കുടുംബശ്രീ, പുരുഷ സ്വയംസഹായ സംഘം, വ്യക്തികള്‍ എന്നിവരുടെ ഏക്കര്‍ കണക്കിനു പച്ചക്കറികളാണു നശിച്ചത്. പലരും ലോണെടുത്തും മറ്റുമാണു കൃഷിയിറക്കിയത്.