നിലമ്പൂര്‍: തെയ്യത്തും പാറക്കടവില്‍ കുട്ടികളുമൊത്ത് കുളിക്കുന്നതിനിടെ പിതാവിനെ ഒഴുക്കില്‍പ്പെട്ട് കാണാതായി. ഏനാന്തി കുരുവാന്‍കുഴി വാകകുണ്ടന്‍ നിസാമിനെ(ബാപ്പു-40)യാണ് കാണാതായത്.
ഏനാന്തി പമ്പ് ഹൗസിനു സമീപം കരിമ്പുഴയുടെ കരുവാംകുഴി തെയ്യത്തുംപാറക്കടവില്‍ ഇന്നലെ വൈകിട്ട് നാലിനാണ് സംഭവം. ഭാര്യയും മക്കളുമായി കുളിക്കാനെത്തിയതായിരുന്നു.
നീന്തുന്നതിനിടെ ഒഴുക്കില്‍പ്പെടുകയായിരുന്നു.
നാട്ടുകാരും ഫയര്‍ഫോഴ്‌സും, പൊലിസും പുഴയില്‍ തിരച്ചില്‍ നടത്തിയെങ്കിലും കണ്ടെത്താനായില്ല. രാത്രിയോടെ നിര്‍ത്തിയ തിരച്ചില്‍ ഇന്ന് പുനരാരംഭിക്കും.