തിരുവനന്തപുരം: സഹകരണ സംഘങ്ങള്‍ വഴി കര്‍ഷകരില്‍ നിന്ന് നേരിട്ട് നെല്ല് സംഭരിക്കുന്നത് പരിഗണിക്കുമെന്ന് മുഖ്യമന്ത്രി പിണറായി വിജയന്‍ നിയമസഭയെ അറിയിച്ചു. പാലക്കാട് ജില്ലയില്‍ സഹകരണ സംഘങ്ങളെ നെല്ല് സംഭരണത്തിന്റെ ഭാഗമാക്കിയത് വിജയം കണ്ടിരുന്നു.
സ്വകാര്യ മില്ലുടമകള്‍ കര്‍ഷകരില്‍ നിന്ന് കൃത്യസമയത്ത് നെല്ല് സംഭരിക്കുന്നില്ല. ഇത് കര്‍ഷകരെ പ്രതികൂലമായി ബാധിക്കുന്നുണ്ടെന്നും മുഖ്യമന്ത്രി പറഞ്ഞു.
കര്‍ഷകരില്‍നിന്ന് നെല്ല് സംഭരിക്കാന്‍ പ്രോസസിങ് ചാര്‍ജായി ക്വിന്റലിന് 214 രൂപ മില്ലുടമകള്‍ക്ക് നല്‍കുന്നുണ്ടെന്ന് മന്ത്രി പി.തിലോത്തമന്‍ നിയമസഭയെ അറിയിച്ചു. മുരളി പെരുനെല്ലിയുടെ സബ്മിഷന് മറുപടി നല്‍കുകയായിരുന്നു ഇരുവരും.