ദോഹ: ബ്രിട്ടീഷ് അധ്യാപിക ലോറന്‍ പാറ്റേഴ്‌സന്‍ കൊല്ലപ്പെട്ട കേസില്‍ പ്രതിക്ക് മാപ്പുനല്‍കില്ലെന്ന് മാതാവ് അലിസണ്‍ പാറ്റേഴ്‌സണ്‍ ഖത്തര്‍ സുപ്രിംകോടതിയെ അറിയിച്ചു.
കേസിലെ മുഖ്യപ്രതി ബദര്‍ ഹാഷിം അല്‍ജാബറിന് കീഴ്‌ക്കോടി നേരത്തേ വധശിക്ഷ വിധിച്ചിരുന്നു. പ്രതിക്ക് മാപ്പുനല്‍കണോ ശിക്ഷ വിധിക്കണോ എന്ന കാര്യത്തില്‍ തീരുമാനമെടുക്കാന്‍ ബന്ധുക്കള്‍ക്ക് സുപ്രിംകോടതി സമയം അനുവദിച്ചിരുന്നു. തുടര്‍ന്നാണ് അലിസണ്‍ കോടതിയില്‍ തന്റെ തീരുമാനമറിയിച്ചത്. കേസില്‍ ഈ മാസം 30ന് അന്തിമ വിധി പ്രഖ്യാപിക്കും.