നവോത്ഥാന ഡോക്യുമെന്ററി ഫിലിംഫെസ്റ്റിവല് ഉദ്ഘാടനം ചെയ്തു
കഠിനംകുളം: ജാതിയതമായ വേര്തിരിവുകളില് നിന്ന് കേരളത്തെ സാംസ്കാരികമായ ഉണര്വിലേക്ക് നയിച്ചത് നവോഥാനമായിരുന്നെന്ന് ആശാന് സ്മാരക ഡയറക്ടറും പ്രശസ്ത ഖാതികനുമായ ആയിലം ഉണ്ണികൃഷ്ണന് അഭിപ്രായപ്പെട്ടു.
കേരള സര്വകലാശാല ഗവേഷക യൂനിയനും (സ്റ്റേറ്റ് ഇന്സ്റ്റിറ്റ്യൂട്ട് ഓഫ് സയന്സ് ആന്ഡ് ടെക്നോളജിയും) സംയുക്തമായി സംഘടിപ്പിച്ച നവോഥാന ഡോക്യുമെന്ററി ഫിലിം ഫെസ്റ്റിവലില് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഗവേഷക യൂനിയന് ചെയര്മാന് വിഷ്ണു കെ.പി അധ്യക്ഷനായി. വിദ്യാഭ്യാസ വിചക്ഷണന് ഡോ. രതീഷ് കാളിയാടാന് മുഖ്യ പ്രഭാഷണം നടത്തി. കേരളം സര്വകലാശാലയിലെ ഗവേഷകനയാ ജെ. സമ്പത്ത് സംവിധാനം ചെയ്ത വില്ലുവണ്ടിയാത്ര ഉദ്ഘാടന ചിത്രമായി പ്രദര്ശിപ്പിച്ചു.
അയ്യങ്കാളി, ഡോ. ബി.ആര് അംബേദ്ക്കര്, കുമാരനാശാന്, ശ്രീനാരായണ ഗുരു, രാജാറാം മോഹന്റോയ്, മൂലൂര് എന്നിവരെ സംബന്ധിച്ച 7 ഓളം ഡോക്യൂമെന്ററികളാണ് ഫെസ്റ്റിവലില് പ്രദര്ശിപ്പിച്ചത്.
കെ.ടി.സി.ടി സ്കൂളിലെ വിദ്യാര്ഥികളും നിരവധി ഗവേഷകരും ചിത്രം കാണാന് എത്തി. ഗവേഷക യൂനിയന് വൈസ് ചെയര്പഴ്സന് ലക്ഷ്മി പ്രഭ സ്വാഗതവും, നൗഫല് എന്. നന്ദിയും പറഞ്ഞു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."