കൊല്‍ക്കത്ത: മുന്‍ ഇന്ത്യന്‍ നായകന്‍ ബെയ്ചൂങ് ബൂട്ടിയയുമായുള്ള കരാര്‍ അഖിലേന്ത്യാ ഫുട്‌ബോള്‍ അസോസിയേഷന്‍ പുതുക്കി. ടീമിന്റെ ഉപദേശക റോളിലുള്ള ബൂട്ടിയയുടെ കാലാവധിയാണ് പുതുക്കിയത്. ഒരു വര്‍ഷത്തേക്കാണ് പുതുക്കിയത്.
കഴിഞ്ഞ വര്‍ഷം നവംബറില്‍ ബൂട്ടിയയുടെ കാലാവധി അവസാനിച്ചിരുന്നു. എന്നാല്‍ താരത്തിന്റെ പ്രവര്‍ത്തനത്തില്‍ അസോസിയേഷന്‍ സംതൃപ്തി രേഖപ്പെടുത്തുകയായിരുന്നു. നേരത്തെ അണ്ടര്‍ 17 ടീമിന്റെ കോച്ചായി കോള്‍ ടോയലിനെ നിയമിക്കാത്തതിനെ തുടര്‍ന്ന് ബൂട്ടിയ സംഘടന അധികൃതരുമായി അകല്‍ച്ചയിലായിരുന്നെന്ന് റിപ്പോര്‍ട്ടുണ്ടായിരുന്നു. ഇത് ഫുട്‌ബോള്‍ അസോസിയേഷന്‍ ഭാരവാഹികള്‍ തള്ളി.