കോഴിക്കോട്: മടവൂര്‍ സി.എം മഖാം ജാമിഅ അശ്അരിയ്യ ബിരുദധാരികളുടെ കൂട്ടായ്മ അശ്അരീസ് അസോസിയേഷന്‍ സഹപാഠിക്കൊരു തണല്‍ പദ്ധതിയുടെ ഭാഗമായി നിര്‍മിച്ചു നല്‍കുന്ന അശ്അരി മന്‍സിലിന്റെ താക്കോല്‍ദാനം സമസ്ത പ്രസിഡന്റും കോളജ് പ്രിന്‍സിപ്പലുമായ സയ്യിദ് മുഹമ്മദ് ജിഫ്‌രി മുത്തുേക്കായ തങ്ങള്‍ നിര്‍വഹിച്ചു.
മുത്താട്ട് അബ്ദുറഹ്മാന്‍ മാസ്റ്റര്‍ അധ്യക്ഷനായി. ചേലക്കാട് മുഹമ്മദ് മുസ്‌ലിയാര്‍ പ്രാര്‍ഥന നടത്തി. ഉമര്‍ ഫൈസി മുക്കം, മുസ്തഫ മുണ്ടുപാറ, നാസര്‍ ഫൈസി കൂടത്തായി, ടി.പി.സി മുഹമ്മദ് കോയ ഫൈസി, ഇ. അഹമ്മദ്കുട്ടി ഫൈസി, ഹസന്‍ ബാഖവി, സലാം ഫൈസി, ഹനീഫ ഫൈസി, അബൂബക്കര്‍ ഫൈസി, പാലത്ത് മൊയ്തുഹാജി, ഖത്തര്‍ അബുഹാജി, ഫൈസല്‍ ഫൈസി മടവൂര്‍, കെ.പി മാമു ഹാജി, ജുനൈദ് അശ്അരി സംസാരിച്ചു. റാശിദ് അശ്അരി അടുത്ത വര്‍ഷത്തെ പദ്ധതി പ്രഖ്യാപനം നടത്തി. മജ്‌ലിസുന്നൂറിന് അസോസിയേഷന്‍ പ്രസിഡന്റ് സയ്യിദ് ഹബീബ് തങ്ങള്‍ നേതൃത്വം നല്‍കി.
മഹ്ബൂബ് അലി അശ്അരി സ്വാഗതവും, നിര്‍മാണ കമ്മിറ്റി കണ്‍വീനര്‍ മുഹമ്മദലി അശ്അരി കരിപ്പൂര്‍ നന്ദിയും പറഞ്ഞു.