പേരാമ്പ്ര: നിപാ വൈറസ് ബാധിതരെ ശ്രുശ്രൂഷിക്കുന്നതിനിടെ ജീവത്യാഗം നടത്തിയ ലിനി മാലാഖക്ക് അക്ഷര പ്രണാമമര്‍പ്പിച്ചു രാമല്ലൂര്‍ ഗവ.എല്‍.പി സ്‌കൂളില്‍ പ്രവേശനോത്സവത്തിന് തുടക്കം കുറിച്ചു. വാര്‍ഡ് മെംബര്‍ സുനിത മലയില്‍ ഉദ്ഘാടനം നിര്‍വഹിച്ചു.
പി.ടി.എ പ്രസഡന്റ് യു.കെ ശശികുമാര്‍ അധ്യക്ഷനായി. കുട്ടികളെ അക്ഷരമാലയിട്ടു സ്വീകരിച്ചു. നിരവത്ത് ഫൈനാന്‍സ് നവാഗതര്‍ക്ക് ബാഗും എ.കെ.ജി സെന്റര്‍ സ്വയം സഹായക സംഘം കുടയും വിതരണം ചെയ്തു. യൂനിഫോമും പഠനോപകരണങ്ങളും വൃക്ഷത്തൈകളും വിതരണം ചെയ്തു.
സ്‌കൂള്‍ ഹെഡ്മാസ്റ്റര്‍ കെ. ബഷീര്‍ മാസ്റ്റര്‍, നിരവത്ത് ജൂബിലി ഫൈനാന്‍സ് മാനേജര്‍ ദാമോധരന്‍, എ.കെ.ജി സെന്റര്‍ സ്വയം സഹായക സംഘം പ്രസിഡന്റ് വി.കെ രാജന്‍, എം.പി.ടി.എ പ്രസിഡന്റ് സുമിത്ര സന്തോഷ്, സ്റ്റാഫ് സെക്രട്ടറി സി. ഗംഗാധരന്‍, കെ.പി.കെ പുഷ്പ, അനുശ്രീ .പി, അബ്ദുല്‍ ബാരി വി.പി സംസാരിച്ചു.