തിരുവനന്തപുരം: അരനൂറ്റാണ്ടിലേറെ ജനമധ്യത്തില്‍ നിന്ന താന്‍ ഒരിക്കലെങ്കിലും ജനപ്രതിനിധിയാകണം എന്നാഗ്രഹിക്കുന്നത് മഹാപാപമാണോയെന്ന് ഇടത് സഹയാത്രികന്‍ ചെറിയാന്‍ ഫിലപ്പ്. തന്റെ ഫേസ്ബുക്ക് പേജിലൂടെയാണ് അദ്ദേഹം ഇക്കാര്യം ചോദിച്ചത്.

രാജ്യസഭാ സീറ്റ് നിര്‍ണയവേളയില്‍ സി.പി.എം സ്ഥാനാര്‍ഥിയായി ചെറിയാന്‍ ഫിലിപ്പിനെ പരിഗണിച്ചേക്കുമെന്ന് റിപ്പോര്‍ട്ടുകളുണ്ടായിരുന്നു.എന്നാല്‍ സി.പി.എം എളമരം കരീമിനെയാണ് സ്ഥാനാര്‍ഥിയാക്കിയത്.

കേരളാ കോണ്‍ഗ്രസിന് രാജ്യസഭാ സീറ്റ് നല്‍കാനുള്ള തീരുമാനത്തിനെതിരെ കോണ്‍ഗ്രസില്‍ കലാപം മുറുകുന്നതിനിടെയാണ് സി.പി.എമ്മിലും അഭിപ്രായഭിന്നതയുണ്ടായിരുന്നുന്നെന്ന സൂചന നല്‍കി ചെറിയാന്‍ ഫിലിപ്പിന്റെ പോസ്റ്റ് പ്രത്യക്ഷപ്പെട്ടത്.