ജിദ്ദ: മുന്നറിയിപ്പില്ലാതെ ദമാം-കൊച്ചി എയര്‍ ഇന്ത്യ എകസ്പ്രസ് വിമാനം നിര്‍ത്തലാക്കിയത് പ്രവാസികളെ ദുരിതത്തിലാക്കി. സ്‌കൂള്‍ അവധിക്ക് ശേഷം നാട്ടിലേക്ക് പോകാന്‍ ടിക്കറ്റ് എടുത്ത കുടുംബങ്ങള്‍ക്കാണ് തീരുമാനം തിരിച്ചടിയായത്.

മതിയായ യാത്രക്കാരില്ലാത്തതാണ് സര്‍വ്വീസ് നിര്‍ത്തലാക്കാന്‍ കാരണമെന്നാണ് എയര്‍ ഇന്ത്യ ട്രാവല്‍ ഏജന്‍സികളെ അറിയിച്ചത്.

ജൂലൈ മാസത്തില്‍ സ്‌കൂള്‍ അവധിക്ക് നാട്ടില്‍ പോകാനുള്ള നാനൂറോളം മലയാളി കുടുംബങ്ങളാണ് ഈ വിമാനത്തില്‍ ടിക്കറ്റ് എടുത്തിരുന്നത്. രണ്ട് മാസം മുമ്പ് സര്‍വീസ് പുനഃക്രമീകരിച്ചിരിക്കുന്നു എന്നും, ദമാം-കൊച്ചി എന്നത്, ദമാം-കോഴിക്കോട്-കൊച്ചി എന്നായിരിക്കുമെന്നും വിവരം ലഭിച്ചിരിന്നു. എന്നാല്‍ ഏപ്രില്‍ ഒന്ന് മുതല്‍ ഈ സര്‍വീസ് പൂര്‍ണമായും ഒഴിവാക്കിയ വിവരമാണ് ഇപ്പോള്‍ ലഭിച്ചത്.