പൊന്നാനി: പൊന്നാനി കടലില്‍ മൂന്ന് പേരുമായി ഫൈബര്‍ വള്ളം മറിഞ്ഞു. ഒരാളെ കാണാതായി.താനൂര്‍ അഞ്ചുടി സ്വദേശി കുട്ടിയമ്മൂന്റെ പുരക്കല്‍ ഹംസ(65)യെയാണ് കാണാതായത്.

ബുധനാഴ്ച കാലത്ത് ഏഴര മണിയോടെ പൊന്നാനിയില്‍ നിന്ന് ഒരു കിലോമീറ്റര്‍ പടിഞ്ഞാറായാണ് ് അപകടമുണ്ടായത്.

മത്സ്യ ബന്ധനത്തിന് പോയ വള്ളങ്ങള്‍ കരക്കെത്തിക്കാന്‍ കഴിയാതെ വന്നതിനെ തുടര്‍ന്ന് മീന്‍ ശേഖരിക്കാന്‍ പോയ ചെറിയ ഫൈബര്‍ ബോട്ടാണ് ശക്തമായ തിരമാലയില്‍ പെട്ട് മറിഞ്ഞത്.

താനൂര്‍ സ്വദേശികളായ മൂന്ന് പേരാണ് ഫൈബര്‍ ബോട്ടില്‍ ഉണ്ടായിരുന്നത്. മറ്റു രണ്ട് പേര്‍ നീന്തി രക്ഷപ്പെട്ടെങ്കിലും ഹംസയെ കണ്ടെത്താനായില്ല.