ന്യൂഡല്‍ഹി: അണ്ടര്‍ 17 ലോകകപ്പിന് മുന്നോടിയായി വമ്പന്‍ ടീമുകള്‍ക്കെതിരേ ഇന്ത്യ മത്സരിച്ചേക്കും. പോര്‍ച്ചുഗല്‍, ഇറ്റലി ടീമുകളുമായി ഇന്ത്യ ചര്‍ച്ച നടത്തുന്നുണ്ട്. ഇവരെല്ലാം ഇന്ത്യക്ക് അനുകൂലമായി തീരുമാനമെടുത്തിട്ടുണ്ടെന്നാണ് സൂചന. ഏപ്രില്‍ 10നാവും മത്സരം ആരംഭിക്കുക. പോര്‍ച്ചുഗലിലേക്കായിരിക്കും ഇന്ത്യ മത്സരങ്ങള്‍ക്കായി പോവുക. 34 ദിവസത്തെ ക്യാംപാണ് വിദേശത്തുള്ളത്. പോര്‍ച്ചുഗലിലും ഇറ്റലിയിലുമുള്ള വിവിധ ക്ലബുകളുമായും ദേശീയ ടീമുമായും ഇന്ത്യക്ക് മത്സരമുണ്ട്. ഇതിന് ശേഷം ഫ്രഞ്ച് ലീഗ് ടീമായ പാരിസ് സെന്റ് ജെര്‍മെയ്‌ന്റെ അണ്ടര്‍ 17 ടീമുമായും മത്സരമുണ്ട്.
ഇതിനു പുറമേ ലാസിയോ കപ്പിലും ഇന്ത്യ പങ്കെടുക്കാന്‍ സാധ്യതയുമ്ട്.