ന്യൂഡല്‍ഹി:  തായ്‌ലന്‍ഡ് അന്താരാഷ്ട്ര ബോക്‌സിങ് ടൂര്‍ണമെന്റില്‍ ഇന്ത്യക്ക് സമ്മിശ്ര തുടക്കം. 69 കിലോ വിഭാഗത്തില്‍ മനോജ് കുമാര്‍ ക്വാര്‍ട്ടറിലേക്ക് മുന്നേറിയതാണ് ഇന്ത്യക്ക് പ്രതീക്ഷിക്കാവുന്നത്. എന്നാല്‍ 75 കിലോയില്‍ വികാസ് കൃഷ്ണനും 60 കിലോയില്‍ ശിവ ഥാപ്പയും പരാജയപ്പെട്ടത് ഇന്ത്യക്ക് തിരിച്ചടിയായി.
വിയറ്റ്‌നാമിന്റെ ഹുയന്‍ ഗോക് വിന്നിനെയാണ് മനോജ് പരാജയപ്പെടുത്തിയത്. രോഹിത് തോക്കാസ്, ശ്യാം കുമാര്‍ എന്നിവരും ക്വാര്‍ട്ടറിലേക്ക് മുന്നേറിയിട്ടുണ്ട്.
64 കിലോ വിഭാഗത്തില്‍ രോഹിത് ആസ്‌ത്രേലിയയുടെ മുഹമ്മദ് ദെബിര്‍കായയെയും ശ്യാം കുമാര്‍ 49 കിലോ വിഭാഗത്തില്‍ തായ്‌ലന്‍ഡ് താരം താനി നരിന്‍രാമിനെയുമാണ് പരാജയപ്പെടുത്തിയത്.
അതേസമയം തായ്‌ലന്‍ഡിന്റെ സോന്‍ജയ് വോങ്‌സുവാനിനോടാണ് ശിവ ഥാപ്പ പരാജയപ്പെട്ടത്. കസിക്കിസ്ഥാന്റെ അല്‍സാനോവ് യെരിക്കിനോടാമ് വികാസ് തോല്‍വി വവങ്ങിയത്. 52 കിലോ വിഭാഗത്തില്‍ ദേവേന്ദ്രോ സിങും പരാജയപ്പെട്ടിട്ടുണ്ട്.