ആനക്കര: കാല്‍പ്പന്തുകളികളത്തില്‍ കമ്പവളലിയുടെ മാമാങ്കം. ആനക്കര ടൗണ്‍ ടീമിന്റെ ആഭിമുഖ്യത്തില്‍ ആനക്കരയില്‍ ഫഌഡ് ലൈറ്റില്‍ നടന്ന അഖിലകേരള കമ്പവലി മത്സരമാണ് കാണികള്‍ക്ക് ആവേശമായത്.
പാലക്കാട് ജില്ലക്ക് പുറമെ മലപ്പുറം, കോഴിക്കോട്, മലപ്പുറം, തൃശൂര്‍, ജില്ലകളില്‍നിന്നായി നിരവധി ടീമുകള്‍ മത്സരത്തില്‍ പങ്കെടുത്തു. രാത്രിയില്‍ ആരംഭിച്ച മത്സരം ബുധനാഴ്ച്ച പുലര്‍ച്ചെ രണ്ട് മണിയോടെയാണ് സമാപിച്ചത്. മത്സരം സി.കെ. ശശി പച്ചാട്ടിരി, ആത്മ പ്രവാസി കൂട്ടായ്മയ്ക്കുവേണ്ടി സുലൈമാന്‍, നൗഷാദ് കാട്ടില്‍ ചേര്‍ന്ന് ഉദ്ഘാടനം ചെയ്തു. മത്സരത്തില്‍ ആനക്കര ചുള്ളിപ്പറമ്പ് ടീം സ്‌പോണ്‍സര്‍ ചെയ്ത സെവന്‍സ്റ്റാര്‍ കോട്ടക്കല്‍ വിജയികളായി.
ഫൈനലില്‍ യങ് സ്റ്റാര്‍ പുളിക്കലിനെയാണ് തോല്‍പിച്ചത്. മൂന്നാം സ്ഥാനം ആഹാ എടപ്പാളും നാലാം സ്ഥാനം ചോലയില്‍ ബ്രദേഴ്‌സ് സ്‌പോണ്‍സര്‍ ചെയ്ത കവിത വെങ്ങാടും നേടി.