കുന്നംകുളം: ചൊവ്വന്നൂരില്‍ അടച്ചിട്ട വീട്ടില്‍ മോഷണ ശ്രമം. ഒന്നും നഷ്ടപെട്ടില്ലെന്ന് പ്രാഥമിക വിവരം. ചൊവ്വന്നൂര്‍ പഞ്ചായത്ത് റോഡില്‍ പൊറത്തൂര്‍ ജോണ്‍സന്റെ വീട്ടിലാണ് മോഷണ ശ്രമം നടന്നത്. വീടിന്റെ മുന്‍വാതില്‍ തകര്‍ത്ത് അകത്ത് കടന്ന മോഷ്ടാക്കള്‍ അലമാരയുള്‍പെടേയുള്ളവ തകര്‍ത്തു. ജോണ്‍സന്‍ വിദേശത്താണ്. ഭാര്യയും മക്കളും അവധിക്ക് ബന്ധു വീട്ടില്‍ പോയതായിരുന്നു. രാവില പരിസര വാസികളാണ് വീടിന്റെ വാതില്‍ തകര്‍ന്ന നിലയില്‍ കണ്ടത്. തുടര്‍ന്ന് ഇവരെ ഫോണില്‍ വിവരമറിയിച്ചു.
കുന്നംകുളം പൊലിസ് സ്ഥലത്തെത്തി പരിശോധന നടത്തി. വീട്ടില്‍ പണവും, ആഭരണങ്ങളും സൂക്ഷിച്ചിരുന്നില്ലെന്നാണ് ഇവര്‍ പറഞ്ഞത്. മോഷണ ശ്രമത്തിന് പൊലിസ് കേസെടുത്തു.