കോഴിക്കോട്: ദേശീയ ദുരന്തനിവാരണ സേന എന്‍.ഡി.ആര്‍.എഫ് ഇന്ന് ജില്ലയില്‍ എത്തും. ജില്ലാ കളക്ടര്‍ ആവശ്യപ്പെട്ടതിനെ തുടര്‍ന്ന് ചീഫ് സെക്രട്ടറിയുടെ നിര്‍ദ്ദേശ പ്രകാരമാണ് സേന എത്തുന്നത്.ഉരുള്‍പൊട്ടലും വെള്ളപൊക്കവും മലവെള്ളപാച്ചിലുമുണ്ടായ മേഖലകളില്‍ ദേശീയ ദുരന്തനിവാരണ സേനയുടെ സേവനം പ്രയോജനപ്പെടുത്തുമെന്ന് ജില്ലാ കളക്ടര്‍ യു വി ജോസ് പറഞ്ഞു.

തൃശൂരില്‍ നിന്നാണ് എന്‍.ഡി.ആര്‍.എഫ് വരുന്നത്. ജില്ലാ ദുരന്തനിവാരണ അതോറിറ്റിയുടെ അടിയന്തിര യോഗം 9.10 ന് കളക്ടറുടെ ചേമ്പറില്‍ നടക്കും. മന്ത്രിമാരായ ഇ.ചന്ദ്രശേഖരന്‍ ടി പി രാമകൃഷ്ണന്‍ എ കെ ശശീന്ദ്രന്‍ പങ്കെടുക്കും.