കോഴിക്കോട്: പ്രദേശത്തുകാര്‍ക്ക് ഏറെ പ്രയാസം സൃഷ്ടിക്കുന്ന ചെറിയ പാലത്തിന്റെ പേരില്‍ ശ്രദ്ധിക്കപ്പെട്ട പുതിയപാലത്തുകാര്‍ ഇനി കളിപ്രേമത്തിന്റെ വലിയ സ്‌ക്രീനാല്‍ അറിയപ്പെടും.
റഷ്യയില്‍ ഇന്ന് ആരംഭിക്കുന്ന ഫുട്‌ബോള്‍ ലോകകപ്പിന്റെ ആവേശത്തിന് ഊര്‍ജം പകരാന്‍ 80 സ്‌ക്വയര്‍ ഫീറ്റില്‍ നിര്‍മിച്ച ഭീമന്‍ സ്‌ക്രീനിലാണ് ഇവിടെ മത്സരങ്ങള്‍ തത്സമയം പ്രദര്‍ശിപ്പിക്കുക.
1500ഓളം പേര്‍ക്ക് ഒരേസമയം ഇവിടെയിരുന്ന് മത്സരം കാണാനാകും. കായികപ്രേമികള്‍ക്കായി വിശാലമായ ഗാലറിയും നിര്‍മിച്ചിട്ടുണ്ട്. ചൂടാകാതെ കളിയാസ്വദിക്കാന്‍ ഒന്‍പത് ഫാനും സജ്ജമാക്കിയിട്ടുണ്ട്. പുതിയപാലത്തെ ഒരുകൂട്ടം കായികപ്രേമികളായ യുവാക്കളാണ് സംരഭത്തിന് ചുക്കാന്‍ പിടിക്കുന്നത്. ഇതിനായി ഒരു ജനകീയ കമ്മിറ്റിയും രൂപീകരിച്ചിട്ടുണ്ട്. സ്‌ക്രീനിന്റെ ഉദ്ഘാടനം ഇന്ന് മെഡിക്കല്‍ കോളജ് എസ്.ഐ ഉദ്ഘാടനം ചെയ്യും.