എടപ്പാള്‍: പൊന്നാനി ബ്ലോക്ക് പഞ്ചായത്ത് 2016-17 വര്‍ഷം വികസന ഫണ്ടണ്ട് ഇനത്തില്‍ 2.82 കോടി രൂപ ചെലവഴിച്ച് ജില്ലയില്‍ രണ്ടണ്ടാം സ്ഥാനവും സംസ്ഥാനതലത്തില്‍ 12 ാം സ്ഥാനവും കൈവരിച്ചതായി ബ്ലോക്ക് പഞ്ചായത്ത് പ്രസിഡന്റ് കെ ലക്ഷ്മി അറിയിച്ചു.
ഭവനനിര്‍മാണം, കൃഷി, കുടിവെള്ള പദ്ധതി, പട്ടികജാതി ക്ഷേമം എന്നീ മേഖലകളിലാണ് വിപുലമായ പദ്ധതികള്‍ ആവിഷ്‌കരിച്ചു നടപ്പാക്കിയത്. പ്രധാനമന്ത്രി ആവാസ് യോജന, ഇന്ദിര ആവാസ് യോജന ഭവന പദ്ധതികള്‍ക്കായി 92.28 ലക്ഷം രൂപ ചെലവഴിച്ചു. സംസ്ഥാന സര്‍ക്കാര്‍ വിഹിതം ലഭ്യമാവാത്തതിനാല്‍ പ്രതിസന്ധിയിലായ ഭവന ഗുണഭോക്താക്കള്‍ക്ക് 24 ലക്ഷം രൂപയാണ് ബ്ലോക്ക് പഞ്ചായത്ത് പ്രത്യേക വിഹിതമായി ചെലവിട്ടത്.
ജലക്ഷാമം രൂക്ഷമായ 13 സ്ഥലങ്ങളില്‍ 58.12 ലക്ഷം രൂപ ചെലവഴിച്ച് കടിവെള്ള പദ്ധതികള്‍ സ്ഥാപിച്ചു. നെല്‍കര്‍ഷകര്‍, ക്ഷീരകര്‍ഷകര്‍ എന്നിവര്‍ക്ക് സബ്‌സിഡി ഇനത്തില്‍ 21 ലക്ഷം രൂപയും പച്ചക്കറി കൃഷി, വിവിധ പാടശേഖരങ്ങള്‍ക്കുള്ള ജനസേചന പദ്ധതി എന്നിവക്കായി 7.73 ലക്ഷം രൂപയും ചെലവഴിച്ചു. മണ്ണ് ജല സംരക്ഷണ പ്രവര്‍ത്തനങ്ങള്‍ക്ക് 8.49 ലക്ഷം രൂപയും തുയ്യം വലിയപാലം വി.സി.ബി നിര്‍മാണത്തിന് 8.24 ലക്ഷം രൂപയും ചെലവഴിച്ചു. പട്ടികജാതി യുവാക്കള്‍ക്ക് വിദേശത്ത് പോകുന്നതിന് 9.5 ലക്ഷം രൂപ, പട്ടികജാതി വിദ്യാര്‍ത്ഥികള്‍ക്ക് വിദ്യാഭ്യാസ ധനസഹായമായി 3.35 ലക്ഷം രൂപ, വട്ടംകുളം പഞ്ചായത്തില്‍ അംഗന്‍വാടിക്ക് സ്ഥലം വാങ്ങുന്നതിന് 7 ലക്ഷം രൂപ, എടപ്പാള്‍,തൃക്കണാപുരം സി.എച്ച്.സികള്‍ക്കും പെയിന്‍ ആന്‍ഡ് പാലിയേറ്റീവിനും മരുന്ന് വാങ്ങുന്നതിന് 3.99 ലക്ഷം രൂപ, തവനൂര്‍ മഹിളാ മന്ദിരത്തിലെ വികസന പ്രവര്‍ത്തനങ്ങള്‍ക്ക് 18.47 ലക്ഷം രൂപ, തവനൂര്‍ വൃദ്ധ മന്ദിരത്തിന് 11.69 ലക്ഷം രൂപ, റോഡ് നിര്‍മാണത്തിന് 17.86 ലക്ഷം, ശുചിത്വ പ്രവര്‍ത്തനങ്ങള്‍ക്കായി 5.48 ലക്ഷം രൂപ ചെലവഴിച്ചു.