ശ്രീകണ്ഠപുരം: മലയോരമേഖലയ്ക്കു ആവേശമായി ഉത്തരകേരള വോളിബോള്‍ ടൂര്‍ണമെന്റ്.
അഡുവാപ്പുറത്ത് കഴിഞ്ഞ ഒന്നാം തിയതി മുതല്‍ നടന്നുവരുന്ന ഉത്തരകേരള വോളി ടൂര്‍ണമെന്റ് ആയിരങ്ങളെ ആകര്‍ഷിച്ചുവരികയാണ്. ആദ്യ മല്‍സരത്തില്‍ യുവധാര പട്ടാനൂരിനെ തോല്‍പിച്ച് ഫൈറ്റേര്‍സ് പാണപ്പുഴ ജേതാക്കളായി.
രണ്ടാം ദിനത്തില്‍ ഫ്രണ്ട്‌സ് കാഞ്ഞങ്ങാടിനെ പരാജയയപ്പെടുത്തി വൈറ്റ് ലിങ്ക് വയനാടും എസ്.എന്‍ കോളജ് ചേളന്നൂരിനെ പരാജയപ്പെട്ടുത്തി എ.കെ.എസ് അഡുവാപ്പുറവും സെമിയില്‍ കടന്നു. നാളെയാണ് ഫൈനല്‍. ദിനംപ്രതി അയ്യായിരത്തോളം വോളിബോള്‍ പ്രേമികള്‍ കളി കാണാനെത്തുന്നുണ്ടെന്ന് സംഘാടകര്‍ പറഞ്ഞു.