കുറ്റ്യാടി: വേളത്ത് സാമൂഹ്യവിരുദ്ധര്‍ അഴിഞ്ഞാടി. സി.പി.ഐ വേളം ലോക്കല്‍ കമ്മിറ്റി ഓഫിസും എന്‍.കെ ശശീന്ദ്രന്‍ സ്മാരക പഠനഗവേഷണ കേന്ദ്രവും പ്രവര്‍ത്തിക്കുന്ന പി.ആര്‍ നമ്പ്യാര്‍ സ്മാരക മന്ദിരവും കരി ഓയില്‍ ഒഴിച്ച് വികൃതമാക്കി. ഇന്നലെ പുലര്‍ച്ചെ ഒന്നോടെയാണ് സംഭവം. കഴിഞ്ഞദിവസം രാത്രി പള്ളിയത്ത് മൊയ്തുവിന്റെ വീടിനു മുന്നില്‍ നിര്‍ത്തിയിട്ടിരുന്ന ബൈക്ക് തീവച്ചു നശിപ്പിച്ചിരുന്നു. ഇത് അഞ്ചാം തവണയാണ് ഓഫിസിനു നേരെ അക്രമം നടക്കുന്നതെന്ന് നേതാക്കള്‍ പറഞ്ഞു. സംഭവത്തില്‍ പ്രതിഷേധിച്ച് സി.പി.ഐയുടെ നേതൃത്വത്തില്‍ വേളത്ത് പ്രകടനം നടത്തി. രണ്ടു സംഭവത്തിലും പൊലിസ് അന്വേഷണം ആരംഭിച്ചു.