തിരുവനന്തപുരം: സംസ്ഥാനത്ത് ശനിയാഴ്ച രാവിലെ കനത്ത മഴക്ക് സാധ്യതയുണ്ടെന്ന് കാലവസ്ഥാ നിരീക്ഷണകേന്ദ്രം അറിയിച്ചു. ആലപ്പുഴ മുതല്‍ വടക്കോട്ടുള്ള ജില്ലകളില്‍ ചിലയിടങ്ങളില്‍ അത്യന്തം കനത്ത മഴക്ക് സാധ്യതയുണ്ട്.

അതേസമയം, കോഴിക്കോട്, മലപ്പുറം, പാലക്കാട്, കണ്ണൂര്‍, വയനാട്, കാസര്‍കോട് ജില്ലകളില്‍ റെഡ് അലര്‍ട്ട് പുറപ്പെടുവിച്ചു. ആലപ്പുഴ, കോട്ടയം, ഇടുക്കി ജില്ലകളില്‍ ജാഗ്രതാ നിര്‍ദേശവും നല്‍കിയിട്ടുണ്ട്.

• മലഞ്ചെരുവില്‍ നിന്ന് ആളുകള്‍ മാറിത്താമസിക്കണം.
• കനത്ത മഴ തുടരുന്നതിനാല്‍ വയനാട് ചുരം വഴിയുള്ള വാഹന ഗതാഗതം പരമാവധി ഒഴിവാക്കണമെന്ന് ജില്ലാ കലക്ടര്‍ അറിയിച്ചു.
• അപകടമേഖലകളില്‍ മാര്‍ഗനിര്‍ദേശങ്ങള്‍ നല്‍കാന്‍ പൊതുവാഹന അനൗണ്‍സ്‌മെന്റ് നടത്തണം.