മുത്തങ്ങ: കേന്ദ്രസര്‍ക്കാര്‍ ഇന്‍ഷുറന്‍സ് പ്രീമിയം വര്‍ധിപ്പിച്ചതില്‍ പ്രതിഷേധിച്ച് ലോറി ഉടമകള്‍ നടത്തുന്ന സമരം ഏഴുദിനം പിന്നിടുന്നു. സമരം ശക്തമാക്കുന്നതിന്റെ ഭാഗമായി ഇന്നലെ സംസ്ഥാന അതിര്‍ത്തിയായ മുത്തങ്ങയില്‍ ലോറി ഓണേഴ്‌സ് ഫെഡറേഷന്റെ നേതൃത്വത്തില്‍ ചരക്ക് ലോറികള്‍ തടഞ്ഞു. അയല്‍ സംസ്ഥാനങ്ങളില്‍ നിന്നും കേരളത്തിലേക്ക് എത്തുന്ന ലോറികളാണ് അതിര്‍ത്തിയില്‍ ഫെഡറേഷന്റെ നേതൃത്വത്തില്‍ തടഞ്ഞത്. പ്രശ്‌നത്തിന് പരിഹാരം കണ്ടില്ലെങ്കില്‍ വരും ദിവസങ്ങളിലും സമരം ശക്തമാക്കാനാണ് ഉടമകളുടെ തീരുമാനം. ചരക്ക് വാഹനങ്ങള്‍ തടയുന്നുണ്ടെങ്കില്‍ പോലും പച്ചക്കറിയടക്കമുള്ള അവശ്യം സാധനങ്ങളുമായി എത്തുന്ന വാഹനങ്ങള്‍ സമരാനുകൂലികള്‍ കടത്തിവിടുന്നുണ്ട്.