തിരുവനന്തപുരം: തന്റെ മകന്റെ മരണത്തിന് കാരണക്കാരായവരെ അറസ്റ്റ് ചെയ്യുംവരെ സമരം ചെയ്യുമെന്ന് ജിഷ്ണുവിന്റെ മാതാവ് മഹിജ. ഇന്നലെയുണ്ടായ പ്രശ്‌നങ്ങള്‍ക്കെല്ലാം കാരണം പൊലിസാണ്. ഇപ്പോള്‍ പൊലിസിനെതിരെയാണ് ഞങ്ങളുടെ സമരമെന്നും ജിഷ്ണുവിന്റെ മാതാവ് പറഞ്ഞു.

പാമ്പാടി നെഹ്‌റു കോളജ് വിദ്യാര്‍ഥി ജിഷ്ണു പ്രണോയിയുടെ മരണത്തിന് കാരണക്കാരായവരെ അറസ്റ്റ് ചെയ്യണമെന്നാവശ്യപ്പെട്ട് ഇന്നലെ രാവിലെ സമരം ചെയ്യാനെത്തിയ ജിഷ്ണുവിന്റെ അമ്മ മഹിജയെ പൊലിസ് ആസ്ഥാനത്തിനു മുന്നില്‍ നടുറോഡില്‍ പൊലിസ് ബൂട്ടിട്ടു ചവിട്ടുകയും മര്‍ദ്ദിക്കുകയും ചെയ്തിരുന്നു.

നീതി തേടിയെത്തിയ അമ്മയ്ക്കും ബന്ധുക്കള്‍ക്കുമെതിരേ നടത്തിയ പൊലിസ് നടത്തിയ കാടത്തത്തില്‍
പ്രതിഷേധിച്ച് രാഷ്ട്രീയ പാര്‍ട്ടികള്‍ ഇന്ന് ഹര്‍ത്താലിന് ആഹ്വാനം ചെയ്യുകയും ചെയ്തു.