ആലപ്പുഴ: മര്‍ദ്ദനമേറ്റ് ആലപ്പുഴയില്‍ വിദ്യാര്‍ഥി മരിച്ചു. പട്ടണക്കാട് കയലപ്പുരയ്ക്കല്‍ അനന്തുവാണ് മരിച്ചത്. വയലാര്‍ രാമവര്‍മ സ്‌കൂള്‍ വിദ്യാര്‍ഥിയാണ്. സംഭവവുമായി ബന്ധപ്പെട്ട് സഹപാഠികളടക്കം ആറു പേരെ പൊലിസ് കസ്റ്റഡിയിലെടുത്തു.

എസ്.എസ്.എല്‍.സി വിദ്യാര്‍ഥിയായ അനന്തു സഹപാഠികളുമായി വാക്ക്തര്‍ക്കമുണ്ടായിരുന്നു. ഇതാണ് പിന്നീട് നീലിമംഗലം ക്ഷേത്രത്തില്‍ ഉത്സവത്തിനിടെ മര്‍ദ്ദനത്തിലേക്കെത്തിയത്.

ചേര്‍ത്തല താലൂക്ക് ആശുപത്രിയില്‍ മൃതദേഹം സൂക്ഷിച്ചിരിക്കുകയാണ്.