കണ്ണൂര്‍: നിയന്ത്രണംവിട്ട് മരത്തിലിടിച്ച ബസ്സിനു മുകളില്‍ മരം പൊട്ടിവീണ് നിരവധി പേര്‍ക്ക് പരുക്ക്. പേരവൂര്‍ പെരുമ്പുന്ന വളവില്‍ ഇന്ന് പുലര്‍ച്ചെയാണ് അപകടം. ബംഗളൂരുവില്‍ നിന്ന് പാനൂരിലേക്ക് വരുകയായിരുന്ന ബസ്സാണ് അപകടത്തില്‍പ്പെട്ടത്.

കല്ലേരിമലയിറങ്ങി അമിതവേഗതയില്‍ വന്ന ബസ് നിയന്ത്രണം വിട്ട് റോഡരികിലെ കൂറ്റന്‍ മരത്തില്‍ ഇടിക്കുകയയിരുന്നു.ഇടിയുടെ ആഘാതത്തില്‍ മരത്തിന്റെ വലിയ ശിഖിരം ബസിനു മുകളില്‍ പൊട്ടിവീഴുകയായിരുന്നു. ഡ്രൈവര്‍ ഉറങ്ങിയതാണ് അപകടകാരണമെന്നുമാണ് വാര്‍ത്തകള്‍.