താമരശ്ശേരി: റോഡരികിലെ മതിലില്‍ ഇടിച്ച് നിയന്ത്രണംവിട്ട കാര്‍ സ്‌കൂട്ടറില്‍ ഇടിച്ചു. സംസ്ഥാനപാതയില്‍ കുടുക്കിലുമ്മാരത്ത് വൈകിട്ട് നാലോടെയാണ് അപകടം. അപകടത്തില്‍ കൂടത്തായി സ്വദേശിയായ സ്‌കൂട്ടര്‍ യാത്രികന് പരുക്കേറ്റു. പേരാമ്പ്രയില്‍നിന്ന് തിരുവമ്പാടിയിലേക്ക് പോവുകയായിരുന്ന കാറാണ് അപകടത്തില്‍പെട്ടത്. ഡ്രൈവര്‍ ഉറങ്ങിപ്പോയതാണ് അപകട കാരണമെന്നാണ് സംശയം. അപകടത്തില്‍ കാറും സ്‌കൂട്ടറും തകര്‍ന്നു.