റിയാദ്: കൊറോണ വൈറസ് വ്യാപനം തടയുന്നതിന് വേണ്ടി ഏർപ്പെടുത്തിയ ലോക്‌ഡോൺ മൂലം ജോലിക്ക് പോകാൻ കഴിയാതെ റൂമുകളിൽ കഴിയുന്ന പ്രവാസികൾക്ക് പുണ്യമാസത്തിൽ കാരുണ്യത്തിൻ്റെ കൈതാങ്ങുമായി എസ്‌ഐസി ഉനൈസ സെൻട്രൽ കമ്മിറ്റി ഭക്ഷണക്കിറ്റുകൾ വിതരണം ചെയ്യുന്നു. ഒരാൾക്ക് ഏകദേശം ഒരു മാസത്തിലതികം കഴിയാനുള്ള ഭക്ഷണക്കിറ്റുകളാണ് വിതരണം ചെയ്യുന്നത്. പ്രയാസമനുഭവിക്കുന്ന പ്രവാസികളെ കണ്ടെത്തി അവരുടെ റൂമുകളിൽ നേരിട്ടെത്തിയാണ് എസ്‌ഐസി പ്രവർത്തകർ ഭക്ഷണക്കിറ്റുകൾ വിതരണം നടത്തുന്നത്.

    സക്കീർ കോഴിക്കോട്, മുഹമ്മദ് പോള, ഉസ്മാൻ വയനാട്, ഷമീർ ഫറൂഖ്, ബാസിത് വാഫി, യൂസുഫ് കോണിക്കഴി, സുൽഫി മമ്പുറം, സാദിഖ് മുസ്ലിയാർ, നിസാർ വയനാട്, റിയാസ് കമ്പളക്കാട്, സുഹയിൽ തങ്ങൾ എന്നിവർ നേതൃത്വം നൽകി.