കല്‍പ്പറ്റ: കണിയാമ്പറ്റ മോഡല്‍ റസിഡന്‍ഷ്യല്‍ സ്‌കൂള്‍ സ്റ്റുഡന്റ് പൊലിസ് കേഡറ്റ് (എസ്.പി.സി) യൂനിറ്റ് നാലാം ബാച്ചിന്റെ പാസിങ് ഔട്ട് പരേഡ് നടന്നു.
32 ഗോത്ര പെണ്‍കുട്ടികളാണ് പരേഡില്‍ പങ്കെടുത്തത്. എസ്.പി.സി.യൂനിറ്റ് ലീഡര്‍ ആര്യഅനില്‍കുമാര്‍ നേതൃത്വം നല്‍കി. 2014 ഒക്‌ടോബറില്‍ തുടങ്ങിയ എസ്.പി.സി യൂനിറ്റില്‍ നിന്നും ഇതോടെ നാല് വര്‍ഷം കൊണ്ട് 136 ഗോത്ര പെണ്‍കുട്ടികള്‍ പരേഡ് പൂര്‍ത്തിയാക്കി. രണ്ട് വര്‍ഷത്തെ പരിശീലനമാണ് കേഡറ്റുകള്‍ക്ക് നല്‍കുന്നത്.
എസ്.പി.സി ജില്ലാ നോഡല്‍ ഓഫിസര്‍ ഡി.വൈ.എസ്.പി സി.എസ് വിനോദ് സല്ല്യൂട്ട് സ്വീകരിച്ചു. കമ്പളക്കാട് പൊലിസ് എസ്.ഐ അജേഷ് കെ.എസ്, സ്‌കൂള്‍ഹെഡ്മാസ്റ്റര്‍ പി പുഷ്പരാജന്‍, യൂനിറ്റ് കമ്മ്യുണിറ്റി പൊലിസ് ഓഫിസര്‍ എം സല്‍മ, സീനിയര്‍ സൂപ്രണ്ട് സി.സി ബാലകൃഷ്ണന്‍, എ.സി.പി.ഒ.അബ്ദുല്‍ റഷീദ്.ടി.കെ, ഡ്രില്‍ ഇന്‍ട്രക്ടര്‍മാരായ ജി ശശികുമാര്‍, രഞ്ജിത, സ്‌പെഷല്‍ ബ്രാഞ്ച് പൊലിസ് ഓഫിസര്‍ എ.എം ആയിഷ സംസാരിച്ചു.