പന്തല്ലൂര്‍: പന്തല്ലൂരിനു സമീപം നാരങ്ങാവയലില്‍ പുലിയിറങ്ങി വളര്‍ത്തുമൃഗങ്ങളെ കൊന്നു.
സ്വദേശിയായ വിജയന്റെ രണ്ട് ആടുകളേയും കോഴിയേയുമാണ് പുലി ആക്രമിച്ചു കൊന്നത്. വീടിന് സമീപത്തെ കൂട്ടിലുണ്ടായിരുന്ന ആടുകളെയാണ് പുലി ആക്രമിച്ചത്. മാറ്റൊരു ആടിന് കഴുത്തില്‍ പരുക്കേറ്റിട്ടുമുണ്ട്. സമീപത്ത് തന്നെയായിരുന്ന കോഴിക്കൂടും. വിവരമറിഞ്ഞ് ബിതര്‍ക്കാട് റെയ്ഞ്ചര്‍ മനോഹരന്റെ നേതൃത്വത്തില്‍ വനപാലകര്‍ സ്ഥലത്തെത്തി പരിശോധന നടത്തി. വെറ്ററിനറി ഡോ. ബാലാജി പോസ്റ്റ്‌മോര്‍ട്ടം നടത്തി. നഷ്ടപരിഹാരം നല്‍കണമെന്നാവശ്യപ്പെട്ട് വിജയന്‍ വനം വകുപ്പിന് പരാതി നല്‍കി.