അതിരപ്പിള്ളി: വാല്‍പ്പാറ കാഞ്ചമല എസ്റ്റേറ്റില്‍ പുലിയുടെ ആക്രമണത്തില്‍ വീട്ടമ്മ മരിച്ചു. മതിയുടെ ഭാര്യ കൈലാസം (45) ആണ് മരിച്ചത്.

ഇന്നലെ വൈകിട്ട് ആറരയോടെയാണ് സംഭവം. ലയത്തിനു സമീപത്തുനിന്ന് അമ്പത് മീറ്ററകലെ പൊന്തക്കാടിനുള്ളില്‍നിന്നാണു മൃതദേഹം കണ്ടെത്തിയത്.

തോട്ടം തൊഴിലാളിയായ വീട്ടമ്മ തുണികഴുകുന്നതിനിടയില്‍ പുലി പൊന്തക്കാടിനുള്ളിലേക്ക് വലിച്ചിഴച്ചു കൊണ്ടുപോകുകയായിരുന്നു.

ഇവര്‍ തിരിച്ചെത്താന്‍ വൈകിയതോടെ അനേഷിച്ചെത്തിയപ്പോള്‍ അലക്കുകല്ലിനടുത്തു ചോരത്തുള്ളികള്‍ കണ്ടു.തുടര്‍ന്ന് മൃതദേഹം കണ്ടെത്തുകയായിരുന്നു.

കഴുത്തില്‍ കടിയേറ്റുണ്ടായ ആഴത്തിലുള്ള മുറിവും നെഞ്ചത്തും മുഖത്തും മാന്തി കീറിയ മുറിവുകളുമുണ്ട്.