കൊച്ചി: ഖസാക്കിന്റെ ഇതിഹാസം നാടകാവതരണത്തിന്റെ ഭാഗമായി റോട്ടറി കൊച്ചി യൂണൈറ്റഡിന്റെ ആഭിമുഖ്യത്തില്‍ ഇന്ന് അഭിനേതാക്കള്‍ക്കും സംവിധായകര്‍ക്കുമായി നാടക ശില്‍പശാല സംഘടിപ്പിക്കുന്നു. രാവിലെ 10 മുതല്‍ വൈകീട്ട് 4.30 വരെ മഹാരാജാസ് കോളേജ് ഓഡിറ്റോറിയത്തിലാണ് ശില്‍പശാല നടക്കുക. ഖസാക്കിന്റെ ഇതിഹാസം നാടകത്തിന്റെ സംവിധായകനും ഡല്‍ഹി അംബേദ്കര്‍ യൂണിവേഴ്‌സിറ്റിയിലെ പെര്‍ഫോമിങ് ആര്‍ട്ട്‌സ് വിഭാഗം അസോസിയേറ്റ് പ്രൊഫസറുമായ ദീപന്‍ ശിവരാമന്‍ ശില്‍പശാലയ്ക്ക് നേതൃത്വം നല്‍കുമെന്ന് റോട്ടറി കൊച്ചി യുണൈറ്റഡ് ഭാരവാഹികള്‍ അറിയിച്ചു. പരമാവധി 30 പേര്‍ക്കാണ് പ്രവേശനം അനുവദിക്കുക. ശില്‍പശാലയി ലേക്കുള്ള പ്രവേശനം സൗജന്യമാണ്. ഏപ്രില്‍ 21, 22, 23 തീയതികളില്‍ തേവര സേക്രഡ് ഹാര്‍ട്ട് കോളേജ് മൈതാനിയിലാണ് ഒ.വി. വിജയന്റെ പ്രശസ്ത നോവല്‍ ഖസാക്കിന്റെ ഇതിഹാസത്തിന്റെ നാടകാവിഷ്‌കാരം അരങ്ങേറുക.