കോഴിക്കോട്: പി.ഡി.പിയും ലോക്‌സഭ തെരഞ്ഞെടുപ്പില്‍ മാറ്റുരയ്ക്കാനൊരുങ്ങുന്നു. കേരളത്തില്‍ നിന്നുള്ള പ്രധാന സീറ്റുകളില്‍ പാര്‍ട്ടിക്ക് സ്ഥാനാര്‍ഥികളുണ്ടാകും. പാര്‍ട്ടി ചെയര്‍മാന്‍ അബ്ദുനാസിര്‍ മഅദനി തിരഞ്ഞെടുപ്പിനൊരുങ്ങാന്‍ നിര്‍ദേശം നല്‍കിയതായി പി.ഡി.പി സംസ്ഥാന ജനറല്‍ സെക്രട്ടറി നൗഷാദ് തിക്കോടി വാര്‍ത്ത സമ്മേളനത്തില്‍ അറിയിച്ചു.

മാര്‍ച്ച് ആറിനകം പാര്‍ലമെന്റ് മണ്ഡലം കണ്‍വെന്‍ഷനുകള്‍ വിളിച്ചുചേര്‍ക്കാനും ഫാസിസത്തിനെതിരെയുള്ള വോട്ട് പാഴാകാതിരിക്കാനുള്ള പ്രവര്‍ത്തനം നടത്തണമെന്ന് മഅദനി നിര്‍ദേശിച്ചിട്ടുണ്ട്. തെരഞ്ഞെടുപ്പ് പ്രവര്‍ത്തനങ്ങള്‍ ഏകോപിപ്പിക്കുന്നതിന് നിസാര്‍ മേത്തര്‍ കണ്‍വീനറായി 15 അംഗ തെരഞ്ഞെടുപ്പ് കമ്മിറ്റിയും മഅദനി പ്രഖ്യാപിച്ചു. സംസ്ഥാന നേതൃയോഗം മാര്‍ച്ച് പത്തിന് മുമ്പ് ചേരാനും തീരുമാനിച്ചിട്ടുണ്ട്. ഈ യോഗത്തില്‍ മറ്റു കാര്യങ്ങളെക്കുറിച്ച് തീരുമാനിക്കും.